IEO-Arièja

IEO-Arièja

L'IEO


La Gata de la barona

Es pas encara espotida aquela gata!

Pendent tota l'annada 2015, la còla "les Galejaires" faguèt conèisser aquel animal a un fum d'estajants ariegeses (24 representacions pel departament) emai dins Garona Nauta (2), dins Aude (1) e dins Nauts-Pirenèus(2).

Prèp de 1500 personas venguèron véser l'espectacle e daissèron mai de 4000 èuros per l'IEO.

article Gata.JPG

 

 

Per 2016, 5 datas son ja previstas.

 

Coma la gata, la lenga nóstra es plan viva, se parla e s'escota amb plaser.

 

La còla es a repetir una novèla pèça de l'Alan que se jogarà la "prumièra"  al Festen'òc de Saurat le 14 de Julhet de 2016.

Esperam qu'aurà la meteissa capitada.

 

 


14/03/2016
0 Poster un commentaire

Les Galejaires, la tropa de teatre de l' IEO d'Arièja

Le teatre es a solide un bon biais de far ausir, conèisser e aimar la lenga nòstra, tanbenBalma théâtre 012.JPG l'idéa nos es venguda de margar una pèça escrita per Alan VIDAL : "La gata de la Barona" e de la jogar pels vilatges que seriàn interessats.

Es tanben un biais  per ensajar de far dintrar un chic de moneda dins las caissas de l'IEO que n'a plan besonh. Totis les actors de "la còla dels galejaires" son benevòls e amators.

IMG_5323.JPG
Es de notar que la pèça es a l'encòp jos-titolada en francès e les que comprenon pas tot en occitan se pòdon gaitar la revirada de reiruèlh.

 

 Aquí una pichòta vidèo :

 

 E l'Alan VIDAL se ten una autra pèça dins les quasèrns!

 

 


04/04/2015
0 Poster un commentaire

L’Espaci occitan de Pàmias

OLYMPUS DIGITAL CAMERA

 

Manifestacion per l'occitan, campanada del 2 d'abrial de 2015

veire aicí cossi se passèt la campanada.

 

 


19/02/2015
0 Poster un commentaire

Cercle IEO de Coserans

Que’l creèrem le 25 de seteme de 2010. Le sèu sièti qu’é a la Bibliotèca municipala, Castèl dels vescomtes, 09200 Sent Gironç. A l’ora d’ara que condam 25 aderents. Las personas del burèu que son: Claudine Rivère-Souilla, presidenta; Monique Lussiana, secretària; Gilles Morenon, clavaire.

Las nostas principalas activitats que consisteishen a:

- una reünion dels aderents le prumèr dijaus de cada mes, ont, après una metuda al punt de la presidenta, charram d’un sujècte diferent tot còp;

- corses d’occitan per adultes, cada dimècres del periòde escolar, al local del Secors catolic, carrèra del Priolach, a Sent Gironç:

→ debutants, de 17 h15 a 18 h 45;

→ confirmats, de 18 h 45 a 20 h 15.

– autras manifestacions:

      → conferéncias

     → participacion a emissions de ràdio (Era votz dera montanha aishús Radio Couserans, De còr e d’òc aishús Radio Transparence).

           → animacions a la Maison de retirada de Sèish.

          → autras participacions: Autrefois le Couserans a Sent Gironç, Jornada del libre a Biert, setmana del conte amb le servici cultural de la Comuna de Sent Gironç, etc.

Entresenhas: Claudine Rivère-Souilla (05 61 04 48 09); Monique Lussiana (05 61 66 15 47).

 

AGENDA

 

 


19/02/2015
0 Poster un commentaire

Lo Cercle occitan Pèire Lagarda de Foish


19/02/2015
0 Poster un commentaire

Lo Cercle occitan Prospèr Estieu de Pàmias

Lo Cercle occitan de Pàmias (cercle local IEO) existís desempuèi genièr de 1990 a l’iniciativa de qualques afogats de la lenga nòstra que se reüniguèron en 1989 per celebrar la memòria de Prospèr Estieu, grand poèta e reformator de la lenga, que  defuntèt a Pàmias en çò de sa filha en 1939 ; e, quand li calguèt balhar un nom, es evidentament lo del grand òme que foguèt causit.

Lo Cercle IEO de Pàmias s’amassa dos còps per mes lo dijòus al ser per comentar l’actualitat, per trabalhar sus la lenga, per cantar e, de còps, per partejar salsissòts e cocons.

Prepausa tanben corses publics pels adults.

Organiza cada annada una passejada istorica e botanica al mes de mai dins un lòc diferent.

Es present, amb las autras associacions occitanas, a mantunas manifestacions culturalas (fèsta occitana d’estiu, salons del libre, etc.).

Desempuèi 2008, organiza al mes de novembre, amb la collaboracion de la Lauseta e de la Calandreta, lo Festenal occitan de Pàmias que prepausa mòstras, teatre, conferéncias, lecturas poeticas, bal, repais, concèrts, etc.

A la siá demanda, la Comuna de Pàmias  installa, desempuèi 2000, placas de carrièras en occitan.

Es tanben lo Cercle qu’es encargat de redigir la pagina occitana sul bulletin municipal.

Enfin, cal mencionar l’edicion de libres de tota mena (poesia, filologia, benda desenhada, etc).

Un Cercle, òc, mas dubèrt sus la vida vidanta, sus la vila e sul mond.

Contacte: 05.81.06.03.88 o ostaloc09@orange.fr

 

Acamp

22 de març de 2018 

a Pàmias (Espaci occitan) a 20h30


19/02/2015
0 Poster un commentaire

Ces blogs de Politique & Société pourraient vous intéresser