IEO-Arièja

IEO-Arièja

Archius


Total Festum 2016

Pel prumièr còp ongan,  Arièja  vegèt le 17 de junh, al castèl de Fichas de Vernhòla, un espectacle en occitan dins l’encastre de « Total Festum », qu’es un festenal  subventionat per la region novèla .DSCN6317_1.JPG

DSCN6345_1.JPG
L’Institut d’Estudis Occitans d’Arièja (IEO) aviá recampats  4 grops de « Cantaires d’en çò nòstre » : La Betmalesa, le còr de Cantarata, Fontanet e Revelhet per un concèrt de tria que foguèt una vertadièra capitada ! Un lòc embelinaire, un ambient festiu, una còla de l'IEO estranbordada e un public nombrós e arderós que li agradèt fòrça les cants d’Arièja e d’endacòm mai . Una experiéncia de tornar far l’an que ven . Òsca!

 

Encara mai de fòtos aquí

 

 

 

 

 

 

 

 

 

 

 

 

 

 

 

 

 

 

 

 

 

 


23/06/2016
0 Poster un commentaire

Estagi de cants d'Arièja

Le dimenge 22 de mai, le cercle occitan"Peire Largarda" de Foish, organizava a l'ostal de las associacions, un estagi de cants d'Arièja, per totis.stagecant1.JPG

La menaira n'èra la Pascala Respaud del grop "Revelhet" plan conegut en çò nòstre.

 Èrem fòrça cantaires  per venir trabalhar les cants de las nòstras montanhas. Una descobèrta per mai d'unes que coneissián pas cap le trabalh de "J. POUEIGH", recampaire de cants pirenencs. Totes poguèron constatar la riquesa del nòstre patrimoni local.

stagecant2.JPGUna polida jornada dedins que le temps, defòra, èra a la pluèja. Per bon astre, i aguèt las pausas e le repais tirat de la saqueta per regaudir e tornar vam a totes les participants.

Tot lo jorn, la lenga nòstra sonèt amb estrambòrd.


Tornarem amb plaser, ac sabètz plan:" le que canta son mal espanta!"

 

Mai de fotòs aquí


27/05/2016
0 Poster un commentaire

Estagi de branle bearnés

Le dissabte 21 de mai se debanèt a Foish un estagi de branle bearnés, organizat pel cercle occitan "Pèire Lagarda" ,de la vila.

 

 

 

L'escasença per totes les dançaires de bolegar sus aqueles ritmes sautarèls e tanben d'aprene cançons per dançar dins aquela lenga polida, l'occitan. Tot aquò jol govèrn manhac e determinat de Sidonie Landrin.branle1.JPG

 

 

La jornada se passèt plan, dins un ambient fòrça agradiu mas tanben estudiós. E cal pas desbrembar de parlar del repais fargat per la còla del "LEO" de Foish que recampèt , a miègjorn, una polida taulejada d'estagiaris, atalentats per d'esfòrces dels bèls.

 

branle2.JPG

 

 

 

 

 

Una capitada pel cercle de Foish, de tornar fèr.


27/05/2016
0 Poster un commentaire

Un divendres a Belèstar

 

Les « Divendres de l’Espaci Occitan » se passejan !belestar1.JPG

Aquel de Bèlestar coneguèt una capitada vertadièra.

belestar2.JPG
Son venguts nombroses, le monde de Bèlestar per escotar Camilha Bilhac de l’IEO d’Arièja que nos parlava de las bruèissas.

Ara las bruèissas an pas cap de secrets  per nosautres , tombant le cas, nos’n saurem  aparar !

Un moment agradiu e interessant, cal continuar sus aquesta dralha.

 


14/05/2016
0 Poster un commentaire

Passejada istorica e botanica a Bonac

passejada1.JPG
Le 5 de mai de 2016, le solelh èra amb nosautres per la darrièra passejada istorica e botanica, organizada pel cercle occitan de Pàmias.

Ongan foguèt a Bonac, pichòta comuna de las ribas d’Arièja qu’avèm escotat conferencièrs depassejada2.JPG
tota mena, joves e vièlhs, confirmats e en èrba.

Le matin, visita del vilatjòt, de la glèisa e del castèl e per acabar, un polit talhièr de religadura.

Le vèspre, aprèp un pica-mica gostós e fòrça agradiu còsta d’Arièja, e per d’unes, un bocin de prangièra, L’Alan Vidal nos menèt per un camin d’èrbas e de flors per nos assabentar.

Una polida jornada , grandmercé a  Elena Laffont e Danièl Pedossat per l’organizacion d’aquela passejada e a l’an que ven !

Totas las fotografias d ’aquela polida jornada aquí.

.passejada3.JPG


07/05/2016
0 Poster un commentaire

Exposicion Gaston Fèbus

Le cercle Pèire Lagarda de Foish organiza una exposicion sus Gaston Fèbus, comte de Foish.

Del 10 al 16 de Març a l'Estiva.

Véser Aquí


14/01/2016
0 Poster un commentaire

Manifestacion a Montpelhièr

 

Vaquí qualques fòtos per véser qu'èrem pas sols!

 

 

 

 


27/10/2015
0 Poster un commentaire

campanada del 2 d'abrial 2015

L'IEO d'Arièja a participat a la campanada lançada per  l'iniciativa lengadoc.

La tòca èra de mostrar als novèls elegits d'Arièja que l'occitan es viu malgrat la situacion catastrofica ont se trapan la lenga e la cultura occitanas dins cada departament.P1050534_1.JPGP1050536_2.JPG

Enric NAYROU, President del Conselh departamental tenguèt a saludar les parcenejants e prepausèt de les rescontrar per entendre çò qu'an a díser.

FR3 èra presenta per un reportatge qu'òm poirà véser dins "viure al país" le dissabte 4 d'abrial.

 

 

 

Trobaretz aquí le tèxte remés als elegits :

 

Mai de fòtos aicí :

 

Aicí le reportatge de FR3 sus las campanadas pels departaments de la region.


02/04/2015
0 Poster un commentaire

Ces blogs de Politique & Société pourraient vous intéresser