IEO-Arièja

IEO-Arièja

Almanac patoès

Introduccion a la lectura de tèxtes tirats de l’Almanac patoués de l’Arièjo.

Après la publicacion en 2009 de l’excellent libre del paure Cristian Duthil, titolat L’Almanac patoués de l’Arièjo, un almanac en occitan1, le cercle « Pèire-Lagarda » de Foish pensèt perlongar aquel bon trabalh en far una causida pro importanta de tèxtes del libròt annadièr (a l’entorn de 200) que pareguèt de 1891 a 1936, tèxtes de bon legir, agradius, umoristics, sens pretension, testimònis d’un temps, d’una societat, de l’estat de l’occitan dins sas modalitats localas, vertadièrs etnotèxtes…

S’agís pas de caps d’òbra; son tèxtes modèstes, sense pretension literària. Mas cadun, emai contenguès d’unes francismes, viradas malbiaissudas o d’expressions pauras o simplòtas, cadun nos ditz causas interessantas sus l’epòca, son èime, l’ambient moral, espiritual, sus las costumas, sul trabalh, suls vejaires, sus las relacions e tanben sus la lenga que parlava le pòble, subretot al campèstre.

Aquelas bonas paginas, aviam la tòca de las transcriure en grafia classica en respectar exactament çò qu’èra escrit (sens cambiar res, sens far disparéisser les francismes emai, de còps que i a, mots impròpris, formas esquerrièras o incorrèctas).

Aviam per tòca de presentar aquel corpus, classificat segon las annadas de parucion, les autors (amb d’entresenhas biograficas), segon le genre, le parlar, les tèmas tractats, per ne rendre mai aisida l’utilizacion, e de ne far una edicion al profièit del cercle per desvelopar sas activitats e subretot en omenatge a l’editor, Leon Gadrat, als autors qu’an escrit per aquel almanac que coneguèt una capitada de las grandas quitament al delà de l’Arièja.

Una persona qu’aviá pas comprés nòstra tòca s’i opausèt. Es atal que nòstre projècte faguèt mèuca abans que se pausèsse le problèma de son finançament. Qué que ne siá, le trabalh (de benedictin) fait es pas completament perdut ja que se’n poirà, chic a chic, prene coneissença sus aquel site.

1 C. Duthil, L’Almanac patoués de l’Arièjo, un almanac en occitan, Foish-Valença d’Albigés, 2009, Cercle occitan Pèire Lagarda-Vent Terral, en venda a l’Espaci occitan (11 car. Enric Fabre) a Pàmias al prètz de 24 èuros.

A la miga aimada   

Ací rason per res

Cala

E ont mos meteram 

L’ase que s’aviá avalat la luna

Le chòt

M’èra pas avisat d’aquò 

Plan bolegat

Aventura de fèsta

Al catreshime

A Tornac

Ajudam-nos!

A! se n’èra petit aucèl…

La lèbre de Miquelon

Le molin roge

L’esprit d’un mainatge

L’estatua de Sant Pèire

L’estatua

Se voliás



19/02/2015
0 Poster un commentaire
Ces blogs de Politique & Société pourraient vous intéresser

Inscrivez-vous au blog

Soyez prévenu par email des prochaines mises à jour

Rejoignez les 13 autres membres